Mótmælendum við alþingishúsið fjölgar

Mótmælendum við alþingishúsið hefur fjölgað töluvert eftir því sem líður á kvöldið. Bálköstur sem kveikt var á fyrir utan inngang hússins logar enn glatt, og sækja mótmælendur eldivið í hann úr nærliggjandi byggingarsvæðum. Þá veifa sumir mótmælanda blysum.

Stjórnstöð lögreglu vegna aðgerðanna er í alþingishúsinu. Þangað kom fyrir skömmu stór pizzusending, og skiptast lögreglumenn á að taka sér hlé til að næra sig. Lögreglumaður sem stýrir aðgerðum á vettvangi sagði í samtali við fréttastofu að lögreglumenn væru orðnir þreyttir, en yrðu á svæðinu eins lengi og þörf krefur.