Segir eftirlitsmenn hafa gert mistök

Mistök eftirlitsmanna og öryggiskerfi sem brást eru orsakir þess að Nígeríumaðurinn Umar Farouk Abdulmutallab komst um borð í farþegaþotu með sprengju sem hæglega hefði getað sprengt gat á skrokk flugvélarinnar hefði hún sprungið. Þetta segir Barack Obama Bandaríkjaforseti sem nú hefur látið fara rækilega ofan í saumana á málinu. Hann telur það óforsvaranlegt að maður, sem var á skrá hjá bandarískum yfirvöldum sem öfgasinnaður múslimi með tengsl við al Qaeda, hafi fengið að fara um borð í flugvélina í Amsterdam án ítarlegrar vopnaleitar.