Guðrún skipar annað sætið á eftir Einari Skúlasyni

28. nóvember 2009 13:32

Guðrún Valdimarsdóttir, framkvæmdastjóri SAMFOK, sigraði í kosningu um 2. sætið á lista Framsóknarflokksins í Reykjavík vegna borgarstjórnarkosninganna í maí á næsta ári.

Kjósa þurfti aftur milli tveggja efstu frambjóðenda í kjöri í 2. sæti listans. Guðrún hlaut 59% greiddra atkvæða og Valgerður Sveinsdóttir og 41%. Í fyrri umferðinni hlaut Guðrún flest atkvæði eða 46%, Salvör Gissurardóttir 14% og Valgerður 39% atkvæða.

Á kjörfundi framsóknarmanna sem fer fram á Hótel Loftleiðum er kosið í sex efstu sæti listans með meirihlutakosningu og í sæti 7 til 12 með prófkjörsleið. Niðurstöður valsins eru bindandi. Einar Skúlason, varaþingmaður sigraði Óskar Bergsson, núverandi oddvita, þegar kosið var um 1. sætið fyrr í dag.

Kosning um 3. sæti listans er hafin. Í kjöri eru Hallur Magnússon og Valgerður Sveinsdóttir.

Framsóknarflokkurinn fékk einn borgarfulltrúa kjörinn í kosningunum 2006.

Tengdar fréttir

Guðlaugur dregur framboð sitt til baka

Guðlaugur G. Sverrisson, stjórnarformaður Orkuveitur Reykjavíkur, hefur dregið framboð sitt í 3. sæti á lista framsóknarmanna í borgarstjórnarkosningunum í vor til baka. Hann er náinn samstarfsfélagi Óskars Bergssonar, borgarfulltrúa Framsóknarflokksins, sem laut í lægra haldi í baráttu við Einar Skúlason um oddvitasætið.

28. nóvember 2009 12:54

Einar sigraði sitjandi borgarfulltrúa

Einar Skúlason, varaþingmaður Framsóknarflokksins, sigraði Óskar Bergsson, borgarfulltrúa, í kosningu um oddvitasæti á lista flokksins í borgarstjórnarkosningunum í vor. Einar hlaut 62% atkvæða.

28. nóvember 2009 11:55

Óskar: Úrslitin vonbrigði

Óskar Bergsson, formaður borgarráðs og sitjandi borgarfulltrúi Framsóknarflokksins, segir að úrslitin í kosningu um oddvitasæti flokksins séu vonbrigði. Hann ætlar að leggja sitt af mörkum í komandi kosningabaráttu.

28. nóvember 2009 12:21

Talning hafin á kjörfundi framsóknarmanna

Kosningu um oddvitasæti framsóknarmanna í komandi borgarstjórnarkosningum lauk á 12 tímanum og er talning hafin. Kjörfundur fer fram á Hótel Loftleiðum og berjast Einar Skúlason, varaþingmaður og fyrrverandi framkvæmdastjóri þingflokks framsóknarmanna, og Óskar Bergsson, borgarfulltrúi og formaður borgarráðs, um fyrsta sætið.

28. nóvember 2009 11:38

Einar og Óskar berjast um oddvitasætið

Kjörfundur framsóknarmanna vegna borgarstjórnarkosninganna í vor hefst klukkan tíu á Hótel Loftleiðum. Einar Skúlason, fyrrverandi skrifstofustjóri þingflokks framsóknarmanna, og Óskar Bergsson, borgarfulltrúi, takast á um oddvitasætið. Alls eru 20 frambjóðendur í kjöri.

28. nóvember 2009 09:19