Guðlaugur dregur framboð sitt til baka

28. nóvember 2009 12:54

Guðlaugur er náinn samstarfsfélagi Óskars Bergssonar. Mynd/Vilhelm Gunnarsson

Guðlaugur G. Sverrisson, stjórnarformaður Orkuveitur Reykjavíkur, hefur dregið til baka framboð sitt í 3. sæti á lista framsóknarmanna í borgarstjórnarkosningunum í vor til baka. Hann er náinn samstarfsfélagi Óskars Bergssonar, borgarfulltrúa Framsóknarflokksins, sem laut í lægra haldi í baráttu við Einar Skúlason um oddvitasætið.

Á kjörfundi framsóknarmanna sem fer fram á Hótel Loftleiðum verður kosið í sex efstu sæti listans með meirihlutakosningu og í sæti 7 til 12 með prófkjörsleið. Niðurstöður valsins eru bindandi.

Einar sigraði Óskar þegar kosið var um fyrsta sætið. Kosningu um annað sætið er nýlokið og hlaut Guðrún Valdimarsdóttir flest atkvæði eða 46%, Salvör Gissurardóttir 14% og Valgerður Sveinsdóttir 39% atkvæða.

Þar sem enginn frambjóðenda fékk yfir 50% atkvæða þarf að fara fram önnur umferð milli tveggja efstu frambjóðenda, þeirra Guðrúnar og Valgerðar.

Tengdar fréttir

Einar sigraði sitjandi borgarfulltrúa

Einar Skúlason, varaþingmaður Framsóknarflokksins, sigraði Óskar Bergsson, borgarfulltrúa, í kosningu um oddvitasæti á lista flokksins í borgarstjórnarkosningunum í vor. Einar hlaut 62% atkvæða.

28. nóvember 2009 11:55

Óskar: Úrslitin vonbrigði

Óskar Bergsson, formaður borgarráðs og sitjandi borgarfulltrúi Framsóknarflokksins, segir að úrslitin í kosningu um oddvitasæti flokksins séu vonbrigði. Hann ætlar að leggja sitt af mörkum í komandi kosningabaráttu.

28. nóvember 2009 12:21

Talning hafin á kjörfundi framsóknarmanna

Kosningu um oddvitasæti framsóknarmanna í komandi borgarstjórnarkosningum lauk á 12 tímanum og er talning hafin. Kjörfundur fer fram á Hótel Loftleiðum og berjast Einar Skúlason, varaþingmaður og fyrrverandi framkvæmdastjóri þingflokks framsóknarmanna, og Óskar Bergsson, borgarfulltrúi og formaður borgarráðs, um fyrsta sætið.

28. nóvember 2009 11:38

Einar og Óskar berjast um oddvitasætið

Kjörfundur framsóknarmanna vegna borgarstjórnarkosninganna í vor hefst klukkan tíu á Hótel Loftleiðum. Einar Skúlason, fyrrverandi skrifstofustjóri þingflokks framsóknarmanna, og Óskar Bergsson, borgarfulltrúi, takast á um oddvitasætið. Alls eru 20 frambjóðendur í kjöri.

28. nóvember 2009 09:19