Eddy Murphy getur bjargað ferlinum fyrir horn

Eddie Murphy fær enn eitt tækifærið til að bjarga kvikmyndaferlinum fyrir horn þegar að hann mun takast á við hlutverk Richards Pryor í ævisögu um þann geðþekka leikara sem lést fyrir fáeinum árum.

Ferill Murphys hefur varla verið svipur hjá sjón frá því að hann lék í siðustu Beverly Hills Cop myndinni um miðjan tíunda áratug síðustu aldar. Síðan þá hefur hann leikið í hverri misheppnaðri myndinni á eftir annarri.

Þegar að hann fæst við hlutverk Pryors mun hann setja sig í spor eins allra vinsælasta gamanleikara síðustu aldar, en hann lést úr hjartaáfalli árið 2005.