Á spilunarlista Diesel-síðunnar

Lagið Traffic Music með Hjaltalín verður sett á spilunarlista á heimasíðu fataframleiðandans Diesel eftir um það bil viku. Hægt verður að hlaða niður podcast-útgáfu af listanum en síðasta útgáfa af þessu tagi var sótt í yfir 1,5 milljónum eintaka.

Kynningin fyrir hljómsveitina og plötu hennar Sleepdrunk Seasons er því gríðarlega mikil. „Þetta hljómar rosavel. Við hljótum að vera ánægð með þetta," segir söngkonan Sigríður Thorlacius. Hægt verður að gefa lögunum einkunn og í framhaldinu mun Diesel fjármagna tónlistarmyndband fyrir þá hljómsveit sem fær hæstu einkunn.