Hústökumennirnir fá eigur sínar til baka

Hústökumenn fengu að taka persónulegar eigur sínar úr húsinu við Vatnsstíg en iðnaðarmenn eru þar að störfum. Þeir eru að loka húsinu til þess að ekki verði farið aftur inn í það.

Aðstandendur hústökufólksins hafði samband við verktakann Sigurð Guðmundsson sem greiddi leið þeirra að nálgast eigu sínar. Um var að ræða eldunaráhöld sem hópurinn notar vikulega til þess að elda mat fyrir þurfandi og gangandi vegfarendur á laugardögum.

Ekki er þó ljóst hvað verður um fríbúðina sem þau opnuðu en þar gat fólk nálgast vörur ókeypis auk þess sem það gat lagt eitthvað til í búðina.

Búið er að sleppa nokkrum hústökumönnum en ekki öllum. Þeir mega búast við að verða kærðir fyrir húsbrot.