Stærsti heróínfundur Bretlands

Risafarmur af heróíni sem talið er vera um 25 milljóna punda virði hefur verið gerður upptækur á Bretlandi. Þetta er talið vera stærsti heróínfundur í landinu. Landamæraeftirlit Bretlands á Heathrow stöðvaði vörusendingu með smávarningi sem kom til landsins frá Suður Afríku, fyrr í þessu mánuði. Þegar sendingin var skoðuð betur komu um 165 kíló af efninu í ljós.

Í kjölfarið var farið í húsleit í Maidstone í Kent þar sem meira heróín fannst. Einnig var leitað í Suður Afríku og fundust fleiri efni þar.

Alls hafa sjö verið handteknir vegna málsin, fimm í Suður Afríku og tveir í Bretlandi. Landamæraeftirlitið telur þetta vera stærsta heróínfund í sögu landsins.