Geðhjálp vil segja sig úr Öryrkjabandalaginu

Stjórn Geðhjálpar íhugar að segja sig úr Öryrkjabandalaginu komið það ekki til móts við aukna þjónustu við geðfatlaða í búsetuúrræðum á vegums bandalagsins. Tillaga þess eðlis var samþykkt á aðalfundi Geðhjálpar nú um helgina. Í greinagerð sem fylgdi tillögunni segir að Geðhjálp hafi fengið nóg af mannréttindabrotum, eins og það er orðað í greinargerðinni sjálfri. Ástæðan fyrir hugsanlegri úrsögn er fyrst og fremst vegna ágreinings um viðeigandi þjónustu við geðfatlaða, s.s. heimahjúkrun og fleira.

„Í ljósi nútímans þá er rekstur búsetuúrræða barns síns tíma," segir Sveinn Magnússon framkvæmdarstjóri Geðhjálpar en hann áréttar að búsetuúrræði, með því fyrirkomulagi líkt og það er rekið nú, sé staðnað og brot á mannréttindum.

Hann segir húsnæðiskerfið stríða gegn nútímastefnu EDF - Evrópusmtök fatlaðra sem og réttindum fatlaðra í mannréttindasáttmála Sameinuðu þjóðanna.

„Það eru einkenni geðfatlaðra að einangra sig og oft er fólk ekki fært um að sækja sér viðeigandi þjónustu," segir Sveinn Magnússon og bendir á að geðfatlaðir týnast í búsetuúrræðum Öryrkjabandalagsins. Hann segir afar ljót dæmi hafa komið upp, til dæmis hafa einstaklingar fundist látnir í húsnæði sínu mörgum dögum eða vikum eftir andlát. Þá rifjar Sveinn upp umdeilt mál þar sem íbúi búsetuúrræða Öryrkjabandalagsins lést eftir að blöndunartæki í íbúðinni reyndust gölluð.

„Þrátt fyrir formleg, og óformleg áköll þá hefur viðleitni okkar ekki verið sinnt. Við metum það svo að við verðum ekki verr settir en núna segjum við okkur úr bandalaginu," segir Sveinn en stjórnin hefur vald til þess að segja sig úr bandalaginu miðað við samþykkt aðalfundarins. Spurður hverjar líkurnar séu á því að slíkt verði að alvöru, segir Sveinn ákveðnar þreifingar enn til staðar, það verður að fullreyna hvort bandalagið og Geðhjálp nái sátt um viðeigandi þjónustu.

Alls eru fjórtán þúsund öryrkja hér landi og af þeim um fimm þúsund manns sem hafa greinst með geðraskanir.