Passið ykkur á Obama

Óteljandi vopnaðir lögreglumenn og öryggisverðir munu gæta Baracks Obama forseta Bandaríkjanna þegar hann kemur til Oslóar í desember til þess að taka við friðarverðlaunum Nóbels.

Norska lögreglan hefur beðið almenning um að auðvelda sér starfið, sérstaklega þá sem eiga heima í grennd við staði sem forsetinn mun heimsækja.

Fólki er til dæmis ráðlagt að hafa gardínur vel dregnar frá gluggum og ljósin kveikt í herbergjum sem snúa út á götuna allan sólarhringinn.

Og ekki.....alls ekki stinga myndavél með langri aðdráttarlinsu út um gluggann.