Obama tekur ekki afstöðu í kosningadeilum í Íran

Barack Obama hefur forðast að taka afstöðu með andspyrnuhreyfingunni í Íran en skipulögð eru enn frekari mótmæli vegna umdeildrar niðurstöðu forsetakosninga í landinu.

Obama hefur talað niður ágreininginn milli sitjandi forseta Mahmoud Ahmadinejad og andstæðings hans Mir Hossein Mousavi.

„Það er mikilvægt að átta sig á því að þó það sé gríðarleg ólga í Íran, þá er munurinn á milli stefnu þeirra Ahmadinejad og Mousavi ekki eins mikill og látið er líta út fyrir," sagði Obama við fréttastofu CNBC.

„Hvernig sem fer þurfum við engu að síður að eiga við Íranskt stjórnarfar sem hefur hingað til verið mjög fjandsamlegt í garð Bandaríkjanna," sagði Obama.

Þá bætti hann við að það væri ekki vænlegt til árangurs fyrir hann að vera að krukka í Írönsu kosningunum í ljósi sögunnar þegar kemur að samskiptum milli þessara tveggja landa.