Familjen væntanlegur til landsins

Johan T. Karlsson eða Familjen eins og hann er betur þekktur, er væntanlegur hingað til lands þann 6. febrúar n.k. þar sem hann mun koma fram á skemmtistaðnum Nasa við Austurvöll. Hann spilaði hér síðast á Iceland Airwaves í október s.l. og vakti mikla lukku. Hann var án efa eitt af spútnik atriðum hátíðarinnar og fékk frábæra dóma fyrir frammistöðu sína.

Lag hans "Det Snurrar i Min Skalle" hefur verið að gera það gott á öldum ljósvakans en það lag vann nýlega til verðlauna sem besta myndbandið á sænsku Grammý verðlauna hátíðinni er haldinn var í Stokkhólmi fyrir skömmu. Familjen á dyggan hóp aðdáenda hér á landi og virðist mikill áhugi fyrir komu hans hingað því er fólk hvatt til þess að tryggja sér miða í tíma.

Miðasalan hefst nú á fimmtudaginn 15. janúar kl 10.00, og er miðaverð í forsölu 2500 kr. Húsið opnar kl 23:00 þann 6. febrúar, en upphitun verður kynnt innan tíðar. Aldurstakmark er 20 ár.