Rúmlega 4000 Fésbók notendur styðja Geir

Geir H. Haarde hefur fengið hlýjar kveðjur eftir að hann tilkynnti um veikindi sín í gær. Þannig hafa hátt í fjögur þúsund manns notað tengslasíðuna Facebook til að óska honum góðs bata. Sértök síða til að gera það hefur verið stofnuð og má þar lesa fjöldann allan af kveðjum þar sem honum er óskað hins besta í baráttunni við veikindi sín.

Þar er að finna nokkra þekkta einstaklinga úr íslensku þjóðlífi eins og Hemma Gunn, Jónínu Benediktsdóttur, Birgi Leif Hafþórsson, Ágústu Johnson, Helgu Möller og Hannes Hólmstein Gissurarson.