Glæsilegasta pókermót á Íslandi

Pókermót sem haldið var í öskjuhlíðinni í dag er sagt það glæsilegasta sem fram hefur farið á Íslandi. Fjölmargir þátttakendur voru mættir til leiks. sumir höfðu unnið sér inn þátttökurétt með því að spila á netinu, aðrir höfðu greitt rúmar 25 þúsund krónur í þátttökugjald og svo var nokkrum frægum boðið að vera með. Þeim gekk hins vegar misvel. Egill Gilzenegger Einarsson var sá fyrsti sem datt út.

Lögregla hefur nokkrum sinnum haft afskipti af mótum svipuðum því sem haldið var í dag. Verðlaunafé og spilabúnaður hefur þá verið gerður upptækur. Lögreglan kom á mótstaði í dag, ræddi stuttlega við mótshaldara og hvarf svo á brott. Skipuleggjendur telja sig vel innan ramma laganna og benda á lögfræðiálit sem þeir hafa látið vinna fyrir sig sér til stuðnings.

En þátttakendur voru lítið að spá í þessu og einbeittu sér frekar að spilunum. Allir þáttakendurnir í dag vour karlar, nema tveir.