Marta María hætt

Marta María Jónasdóttir er hætt störfum sem ritstjóri Föstudags, tólf síðna fylgiblaði Fréttablaðsins. Vísir hafði samband við Jón Kaldal ritstjóra Fréttablaðsins og spurði hann út í framtíð Föstudags.

„Marta María hefur staðið sig frábærlega við að byggja upp gott blað en Föstudagur mun framvegis vera á ábyrgð annarra deilda innan Fréttablaðsins en ekki undir sjálfstæðri ritstjórn," svarar Jón Kaldal.

Marta María á von á öðru barni í júlí og er á leið í prismanám sem er diplómanám með áherslu á listfræði og heimspeki.