Brutu ekki lög

„Viðbrögð okkar eru hin sömu og þegar lögin voru sett í desember. Við styðjum það ef það þarf til að styrkja gengið og ná hér niður vöxtum og verðbólgu, að setja svona höft á um skamman tíma, þá verði það gert,“ segir Friðrik J. Arngrímsson um frumvarp ríkisstjórnarinnar heft gjaldeyrishöft.

Samkvæmt frumvarpinu verða útflutningsviðskipti í krónum bönnuð. Frumvarpinu er ætlað að tryggja að markmið um styrkingu gengis íslensku krónunnar verði betur náð.

Friðrik segir að í upphaflegu lögunum hafi verið gat. Því hafi þeir staðið hafi í útflutningi ekki brotið lög enda þótt þeir hafi tekið við krónum fyrir útflutningsafurðir.

„Það hafa komið erlendir kaupendur og keypt krónur á útsölu. Keypt afurðir og farið með þær aftur út á markaðinn og þess vegna dömpað verðinu þar. Það hefur haft mjög slæm áhrif. En hins vegar erum við í mjög erfiðum markaðsaðstæðum núna, þannig að það er eðlilegt að menn selji þegar kaupandi kemur,“ Friðrik.