Tomkat vilja bæði leika á sviði

Stjörnuparið Tom Cruise og Katie Holmes íhugar nú að flytja til London. Ástæðan er sú að þau vilja bæði taka að sér hlutverk í leikritum á West End. Katie Holmes lék nýlega í leikverki Arthurs Miller, All My Sons, á Broadway og naut þess svo að hún vill gjarnan taka að sér meiri sviðsleik. Cruise, sem þekktur er fyrir hlutverk í kvikmyndum á borð við Top Gun og Mission Impossible, vill gjarnan feta í fótspor eiginkonunnar. Krúsi er tilbúinn til að flytjast til London.

„Það myndi vera frábært. Katie var alveg frábær á Broadway og það myndi vera einstakt að vinna á West End. Þetta er auðvitað eitthvað sem má skoða fyrir okkur bæði. Ég held að við myndum kunna vel við okkur í Bretlandi, þrátt fyrir kuldann!“ segir Tom Cruise.