Jóhanna kona ársins

Jóhanna Sigurðardóttir, forsætisráðherra, er kona ársins að mati tímaritsins Nýs lífs sem útnefndi konu ársins í nítjánda sinn í dag. Jóhanna er fyrsta konan til að hljóta titilinn tvisvar en var einnig útnefnd kona ársins 1993. Í umsögn ritstjórnar tímaritsins segir að frá lýðveldisstofnun hafi sennilega enginn stjórnmálamaður staðið frammi fyrir jafnögrandi verkefni og Jóhanna gerir nú.

„Kona ársins 2009 henti sér út í djúpu laugina þó að hún vissi að hún væri að leggja af stað í erfiðasta og óvinsælasta verkefni sem hún hefði nokkrun tímann tekið sér fyrir hendur," segir í tilkynningu frá Nýju lífi.