Írönsk yfirvöld banna bænir handa látnum frelsisengli

Írönsk yfirvöld hafa sent út boð til allra moska í landinu þar sem prestum og fólki er bannað að minnast hinna 27 ára gömlu Nedu Agha Soltan.

Neda er talinn hafa verið myrt af íranskri leyniskyttu á laugardaginn þegar hún var við mótmæli með föður sínum. Mótmælin hafa ágerst eftir að andstæðingar ríkisstjórnarinnar sökuðu yfirvöld um að svindla í forsetakosningum.

Sláandi myndband sem sýnir Nedu deyja hefur farið um netið eins og eldur í sinu.

Í kjölfarið hefur Neda verið kölluð frelsisengillinn (Angel of freedom). Þá hefur hún einnig verið kölluð rödd Írans, en nafn hennar þýðir Rödd á persensku.

Samkvæmt frétt The Telegraph þá segir að myndbandið stefni í að verða jafn táknrænt og kraftmikið og maðurinn sem stóð andspænis skriðdrekunum á Torgi hin himneska friðar árið 1989 og fleiri krafmikilla fréttaljósmynda.

Myndbandið hefur verið sýnt á Youtube, Facebook og samskiptasíðunni Twitter.

Viðbrögðin hafa verið gríðarleg en á myndbandinu má sjá Nedu deyja eftir að hafa verið skotin af leyniskyttunni. Mikið öngþveiti er í kringum hana á meðan menn reyna að bjarga lífi hennar.

Myndbandið má sjá hér. Þess má geta að myndbandið er óhugnalegt og ekki fyrir viðkvæmar sálir.