Sjálfstæðismenn í Árborg vilja skoða einhliða upptöku evru eða dollars

Sjálfstæðismenn í Árborg og sjálfstæðisfélagsins Óðins á Selfossi vilja að kannað verði til hlítar þann kost að taka einhliða upp annan gjaldmiðil í stað krónunnar. Þetta kemur fram í ályktun sem fulltrúaráð Sjálfstæðisflokksins í Árborg og sjálfstæðisfélagsins Óðins á Selfossi hafa samþykkt.

Í ályktuninni segir að ef niðurstaða slíkrar skoðunnar þyki jákvæð fyrir íslenskt efnahagslíf, heimili og fyrirtæki, eigi að ráðast í gjaldmiðlabreytingu svo fljótt sem verða megi. Upptaka annars gjaldmiðils svo sem dollars eða evru eigi að vera til skoðunar burtséð frá hugleiðingum um inngöngu í ESB enda sanni nýleg dæmi að einhliða upptaka þurfi ekki að vera háð slíkri inngöngu.

Þá leggja sjálfstæðismenn í Árborg áherslu á að gætt verði í hvívetna hagsmuna Íslands gagnvart ESB ekki síst hvað varði landbúnaðarmál og sjávarútveg.