Fréttastofan fékk höfðinglega gjöf

Fréttastofu Stöðvar 2 og Vísis barst höfðingleg gjöf frá Sólheimum í Grímsnesi í dag, nú þegar einungis níu dagar eru til jóla.

Það voru þau Magnús Helgi Vigfússon, Úlfhildur Stefánsdóttir og Kristján Már Ólafsson sem komu færandi hendi með forláta kertaskreytingu sem unnin hafði verið á Sólheimum. Gjöfinni fylgdu jólakveðjur og óskir um farsæld á komandi ári.

Fréttastofa Stöðvar 2 og Vísis þakkar fyrir bráðfallega gjöf og sendir öllum íbúum á Sólheimum bestu jólakveðjur til baka. Vonum við að komandi ár verði þeim til heilla.