Dorrit vill halda jólin á Íslandi

Forsetafrúin gerði sér lítið fyrir og skellti sér á hjólabretti þegar árleg jólapakkasöfnun hófst í Kringlunni í dag. Sindri Sindrason hitti Dorrit sem segist hvergi vilja halda jólin nema á Íslandi.

Jólapakkasöfnun Kringlunnar sem er samstarfsverkefni Mæðrastyrksnefndar, Fjölskylduhjálpar Íslands og Kringlunnar er árviss atburður á aðventunni og eru allir landsmenn hvattir til að "kaupa eina gjöf til viðbótar" og láta gott af sér leiða um jólin. Forsetafrúin tendraði ljósin, talaði við fólkið og skellti sér síðan á hjólabretti. Doritt er gyðingtrúar en heldur þó jólin hátíðleg í dag.

Dorrit segist vilja eyða öllum jólum hér á landi. Næsta ár ætli hún hins vegar með Ólaf til Sviss þar sem foreldrar hennar eiga hús og hitta fjölskylduna þar á meðal dætur systur sinnar.