Myndband af Ólympíuleikaæfingu lekur út

Myndband af æfingu fyrir opnunarhátíð Ólympíleikanna lak út á suður-kóreska sjónvarpsstöð. Olli sá leki ekki mikilli ánægju á meðal hina kínversku skipuleggjenda leikanna. Sjónvarpstöðin SBS segjast ekki hafa stundað neitt ólöglegt athæfi með því að taka upp æfingunna, enginn hafi stoppað þá þegar þeir fóru æfingasvæðið.

Kínverjar hafa samt sem áður kvartað yfir upptökunni. Sun Weide, talsmaður leikanna segir þó, samkvæmt fréttavef BBC, að brot af æfingu gefi ekki mynd af því hvernig opnunarhátíðin verður. Fólk verði bara að bíða eftir að sjá hina undursamlegu opnunarhátíð.

Mikil leynd hefur hvílt yfir opnunarhátíðinni þrátt fyrir að meira en 10 þúsund manns muni taka þátt í henni. Unnið hefur verið að undirbúningi opnunarinnar í meira en þrjú ár. Aðeins hefur verið gefið upp að opnunin muni endurspegla hina mörgþúsund ára sögu Kína og að boðið verði upp á flugelda og kínverska óperu.

Í myndbandinu sést að hluti sýningarinnar hefur framtíðarblæ yfir sér. Myndbandið mátti sjá á liveleak.com í morgun en virðist nú hafa verið fjarlægt af síðunni.