Fleiri þurfa að „Ganga til góðs"

Erfiðlega hefur gengið að fá sjálfboðaliða í dag til að safna fé í átaki Rauða krossins „Göngum ti góðs". Um 2500 sjálfboðaliða þarf til að ná því takmarki að ganga í hvert hús á landinu og safna fé. Aðeins eitt þúsund manns eru nú á göngu, eða mun færri en í sambærilegri söfnun árið 2006. Rauða krossinum á enga skýringu á þessu, enda afbragðs gönguveður.

Enginn kreppubragur er þó á gjafmildi landans og hefur göngufólki verið vel tekið. Þeir sem hafa áhuga á að ganga ti góðs fyrir kvöldmat geta lagt leið sína í Ráðhús Reykjavík, eða sundlaugarnar í Árbæ, Grafarvogi og Breiðholti og sótt söfnunarbauk. Þar verður baukum dreift til klukkan sex. Allt fé sem safnast verður varið til að sameina fjölskyldur í Kongó sem hafa sundrast vegna stríðsátaka.

Þeim sem vildu gefa en fengu ekki heimsókn frá sjálfboðaliðum Rauða krossins er bent á að hringja í söfnunarsíma Rauða krossins 903 1010, 903 3030 og 903 5050. Þá dragast frá kr. 1000, kr. 3000 eða kr. 5000 frá næsta símreikningi. Símarnir verða opnir út næstu viku.