Karadzic er kominn til Haag

Radovan Karadzic fyrrum leiðtogi Serbíu er kominn til Haag í Hollandi. Þangað var hann fluttur með flugi í nótt frá Belgraad.

Karadzic mun verða dreginn fyrir stríðsglæpadómstólinn í Haag ákærður um þjóðarmorð og glæpi gegn mannkyninu. Honum verður gefinn kostur á því að játa á sig glæpina strax eða bíða með það í 30 daga.

Miklar óeirðir urðu í Belgraad í gærkvöldi og nótt og voru um 15.000 stuðningsmenn Karadzic á götum borgarinnar þar sem þeir mótmæltu handtöku Karadzic og framsali hans. Þurfti lögreglan að beita táragasi og gúmmíkúlum gegn mannfjöldanum.