Óljós svör Írana valda vonbrigðum

Símafundur verður á eftir á milli leiðtoga sex leiðandi þjóða í heiminum þar sem fjallað verðu um hvernig eigi að bregðast við óljósu svarbréfi Írana við tilboði þeirra um samvinnu.

Íranar fengu frest þangað til á laugardag síðastliðinn til þess að svara því hvort þeir vildu taka tilboði þeirra að öðlast meira viðskiptasamband gegn því að hætta auðgun úrans. Svar þeirra, sem barst í gær, var hins vegar loðið móti og sagði ekki mikið meira en að Íranar væru tilbúnir að gefa skýrt svar ef hinar þjóðirnar væru tilbúnar til þess.

Um er að ræða Bandaríkin, Bretland, Frakkland, Þýskaland, Rússland og Kína. Bandaríkin vilja að meiri refsiaðgerðum verði beitt gegn Íran þar sem þeim hafi ekki tekist að gefa fullnægjandi svar við tilboði þeirra.

Talið er líklegt að Bretland og Frakkland muni styðja þær tillögur Bandaríkjamanna en óljósara er með Kína og Rússland sem skipta hvað mest af öllum þjóðum við Íran. Einnig er óljóst með Þýskaland sem eiga einnig viðskiptahagsmuna að gæta í Íran.