Styrktartónleikar fyrir krabbameinssjúk börn

Árlegir tónleikar til styrktar styrktarfélagi krabbameinssjúkra barna verða haldnir í Háskólabíói 27. desember. 

Vísir hafði samband við Einar Bárðarson skipuleggjanda styrktartónleikanna til tíu ára. 

„Það gengur mjög vel. Við erum búin að selja um helming af miðunum," svarar Einar aðspurður hvernig undirbúningur gengur.

„Aðalatriðið er að þetta er jólagjöf fyrir þá sem eru búnir að gefa allt." 

„Tónleikarnir eru ekki bara jólagjöf fyrir þá sem þiggja heldur gjöf fyrir styrktarfélagið," segir Einar. 

Allir gefa vinnu sína og öll tæki koma og fara án endurgjalds. Háskólabíó gefur húsnæðið. 

Miðasala er hafin á Midi.is og á útsölustöðum. Ekkert miðagjald er lagt ofan á söluna. Miðaverð er aðeins 2.500 kr.