Obama þótti standa sig betur

Kannanir bandarísku sjónvarpsstöðvanna CNN og CBS eftir kappræður forsetaefna demókrata og repúblíkana í Bandaríkjunum í gærkvöldi benda til þess að kjósendum hafi þótt demókratinn Barack Obama standa sig betur en repúblíkaninn John McCain.

Fimmtíu og fjórum prósentum aðspurðra hjá CNN þótti Obama hafa sigrað en 30 prósent töldu McCain hafa haft betur. Samkvæmt könnun CBS töldu 39 prósent óákveðinna kjósenda að Obama hefði sigrað en tuttugu og sjö prósent völdu McCain.

Kappræðurnar fóru fram í Nashville þar sem frambjóðendurnir svöruðu spurningum viðstaddra gesta um efnahags- og utanríkismál.