Erlent

Olmert lætur af embætti eftir tvo mánuði

Ehud Olmert, forsætisráðherra Ísraels, tilkynnti í dag að hann muni láta af embætti eftir tvo mánuði. Olmert hefur átt í miklum erfiðleikum undanfarna mánuði vegna meintrar spillingar og gæti afsögnin bent til þess að staða hans í þeim málum sé verri en hann hefur viljað viðurkenna til þessa. Þá hefur hann lengi sætt ámæli fyrir stríðið við Hezbollah í fyrrasumar, sem hann hóf en tókst ekki að ljúka með ótvíræðum sigri.

Spillingarrannsóknin hefur nú orðið til þess að Kadima-flokkurinn, sem fer með völdin ásamt Verkamannaflokknum í samsteypustjórn, hefur ákveðið að efna til nýs leiðtogakjörs 17. september næstkomandi og sagðist Olmert í dag ætla að láta af embætti þá. Hann er sakaður um að hafa þegið jafnvirði liðlega 12 milljóna króna í mútur á 15 ára tímabili.








Tengdar fréttir

Veik staða Olmerts

Lögfræðingar Ehuds Olmerts, forsætisráðherra Ísraels, reyndu í dag að gera framburð lykilvitnis í meintu spillingarmáli ótrúverðugan. Olmert er ásakaður um að hafa þegið fleiri hundruð þúsund dollara til að standa undir lúxus lífsstíl á meðan hann var borgarstjóri í Jerúsalem á árunum 1993-2003.

Olmert áfram rannsakaður vegna gruns um spillingu

Lögreglan í Ísrael heldur áfram rannsókn sinni á ásökunum um spillingu á hendur forsætisráðherra Ísrael, Ehud Olmert. Kemur fram í sameiginlegri yfirlýsingu frá lögreglu og dómsmálaráðuneyti landsins að hann sé grunaður um að tvöfalda kostnað við ferðir hans erlendis sem kostaðar eru af almannafé.

Mest lesið


Fleiri fréttir

Sjá meira


×

Mest lesið