Þýsku ferðamennirnir heilir á húfi

Þremur þýskum ferðamönnum sem rænt var í Tyrklandi í byrjun mánaðarins hefur verið bjargað.

Þjóðverjarnir voru í fjallgöngu í Agir héraði þegar félagar í PKK flokk Kúrda rændu þeim. PKK sagðist ekki ætla að láta gíslana af hendi fyrr en Þjóðverjar fordæmdu afstöðu Tyrklands til málefna Kúrda.

Utanríkisráðherra Tyrklands, Ali Babacan, hringdi í kollega sinn í Þýskalandi, Frank-Walter Steinmeir, og færði honum þær fréttir að ferðamönnunum hefði verið bjarga nú í morgun.

Tyrkensk yfirvöld ætla að bíða með að segja frá því með hvaða hætti Þjóðverjunum var bjargað. Það eina sem gefið var út að sinna var að Þjóðverjarnir væru heilir á húfi.