Lífverðir drottningar dópaðir

Fimm af lífvörðum Elísabetar Bretlandsdrottningar hafa verið reknir úr hernum fyrir að standast ekki lyfjapróf. Hermenn úr heiðursvarðasveitinni konunglegu sinna meðal annars skyldum á borð við það að skjóta úr byssum sínum á afmæli drottningar og við aðrar hátíðlegar athafnir.

Talsmaður varnarmálaráðuneytis Bretlands vildi ekkert gefa upp um hvaða lyf það voru sem verðirnir hefðu neytt. Samkvæmt heimildum þarlendra fjölmiðla voru það sterk fíkniefni á borð við kókaín eða heróín. Daily Mail segir tvo varðanna vera konur og þrjá karla.Tveir þeirra hafi sinn herþjónustu í Írak.

„Eiturlyfjanotkun í hernum verður aldrei liðin," sagði talsmaðurinn. Hann bætti við að í reglulegum lyfjaprófum hersins reyndist eitthvað misjafnt í blóði 0,8 prósenta hermanna, en sama tala hjá almennum borgurum væri átta prósent.