Brandenburgardeila Obama leyst

Bandaríski forsetaframbjóðandinn Barack Obama flytur ræðu við Sigursúluna þegar hann kemur til Berlín í næstu viku, ekki við Brandenburgarhliðið.

Þetta er niðurstaðan á miklu deilumáli sem upp kom í þýskum stjórnmálum fyrir fáeinum vikum.

Obama sem væntanlegur er til landsins lýsti því yfir að hann vildi halda ræðu við Brandenburgerhliðið við komuna. Obama er gríðarlea vinsæll í landinu og var búist við tugþúsundum.

Talsmaður Angelu Merkel kanslara lýsti því hins vegar yfir að óviðeigandi væri að nota mesta sameiningartákn Þjóðverja í bandaríska kosningabaráttu.

Málið flæktist hins vegar þegar sósíaldemókratinn, utanríkisráðherrann og samherji Merkel í ríkisstjórninnni, Frank-Walter Stenimeir sagðist spenntur fyrir því að Obami haldi ræðu fyrir framan Brandenburgarhliðið.

Fjölmiðlar gerðu sér svo mikinn mat úr þessari deilu sem staðið hefur undanfarnar vikur.

Málið hefur nú hins vegar verið leyst með þeim hætti að Obama mun færa púltið sitt um tæpa tvo kílómetra og hlada ræðu sína fyrir fram Sigursúluna svokölluð.

Sigursúlan var reist til þess að minnast sigurs Prússa á Dönum, Frökkum og Austuríkkismönnum, á 19. öld.