Ný ríkisstjórn tekur við í Belgíu

Ný ríkisstjórn tók við völdum í Belgíu í dag eftir níu mánaða stjórnarkreppu í landinu.

Það er Yves Leterme, leiðtogi Kristilegra, flæmskra demókrata sem fer fyrir stjórninni en flokkur hans felldi í fyrrasumar stjórn Guys Verhofstadts, fráfarandi forsætisráðherra.

Eftir níu mánaða þref um myndun stjórnar gekk loks saman með flokki Leterme og fjórum öðrum flokkum á þriðjudag en útlit var fyrir á tímabili að landið myndi klofna í ríki hollenskumælandi Flæmingja og frönskumælandi Vallóna.

Ríkisstjórnin sór embættiseið í konungshöllinni í Brussel í dag en hún hefur á skipa flokkum úr flæmska hluta landsins og hinum vallónska. Hefur Leterme lofað harðari innflytjendalöggjöf, lækkun skatta og auknum lífeyrisréttindum. Þá stendur til að endurskoða stjórnarskrá landsins.