Innlent

Fyrrverandi borgarstjóri klökknaði í ráðhúsinu

Vilhjálmur Þ. Vilhjálmsson, formaður borgarráðs og fyrrverandi borgarstjóri.
Vilhjálmur Þ. Vilhjálmsson, formaður borgarráðs og fyrrverandi borgarstjóri.

Vilhjálmur Þórmundur Vilhjálmsson klökknaði þegar hann kom út af borgarráðsfundi en sagði að málið hefði reynt mikið á sig. Skýrsla samstarfshóps borgarfulltrúa um REI málið var kynnt á fundinum í dag. Vilhjálmur sagðist þó eiga góða fjölskyldu að og hafa sterk bein og það hefði hjálpað sér.

Hann telur sig ekki þurfa að segja af sér vegna REI málsins. Hann hafi ekki farið út fyrir það umboð sem hann hafði og ekki brotið nein lög.

Halldór Kristmannsson, framkvæmdastjóri Samskiptasviðs FL Group, segir að félagið telji ekkert athugavert við aðkomu FL Group eða Geysis Green Energy í samningaviðræðum sínum við Reykjavik Energy Invest og Orkuveitu Reykjavikur eins og gefið sé til kynna í skýrslu stýrihóps Svandísar Svavarsdóttur.

„Ég hefði talið eðlilegt að óháður hópur manna hefði skoðað þetta mál," segir Sigurður Líndal prófessor Emiritus við lagadeild Háskóla Íslands um stýrihópinn sem skilaði af sér skýrslu um REI-málið í dag.

Í skýrslunni kemur fram að hún sé málamiðlun milli fulltrúa í stýrihópnum en væri annars með öðru sniði með orðum hvers og eins. Þar er sagt að hópurinn hafi farið bil beggja í orðalagi, áherslum og pólitískum niðurstöðum en var þó sammála um að leggja afar ríka áherslu á sameiginlega niðurstöðu vegna mikilvægis málsins.

Í ljósi þess telur Sigurður að ef óháður hópur hefði farið í saumana á þessu máli hefði það styrkt niðurstöðuna og gert hana enn trúverðugri.

Nánar um viðbrögð við skýrslunni, og skýrslan í heild, í fréttum hér að neðan.


Tengdar fréttir

REI skýrslan í heild sinni

Hér fyrir neðan má nálgast lokaskýrslu stýrihópsins sem fjallaði um málefni Orkuveitunnar og REI. Vísir hefur í kvöld sagt frá efni skýrslunnar en samkvæmt heimildum Vísis hyggst Svandís Svavarsdóttir leggja skýrsluna fyrir borgarráð á morgun. Heimildir herma einnig að sjálfstæðismenn í Reykjavík hafi fundað í kvöld vegna skýrslunnar en ekki munu allir vera á eitt sáttir um innihaldið.

Ekkert athugavert við aðkomu FL Group

Halldór Kristmannsson, framkvæmdastjóri Samskiptasviðs FL Group, segir að félagið telji ekkert athugavert við aðkomu FL Group eða Geysis Green Energy í samningaviðræðum sínum við Reykjavik Energy Invest og Orkuveitu Reykjavikur eins og gefið sé til kynna í skýrslu stýrihóps Svandísar Svavarsdóttur.

Fundur hafinn hjá borgarráði

Borgarráðsfundur hófst nú klukkan hálftíu. Þar var ætlunin að fara yfir skýrslu stýrihóps um málefni Reykjavik Energy Invest. Ekki liggur fyrir hversu langur fundurinn verður en unnið hefur verið að því að leggja lokahönd á skýrsluna síðustu daga

"Vinir verða alltaf vinir"

Haukur Leósson, fyrrverandi stjórnarformaður Orkuveitu Reykjavíkur, hefur ekki séð skýrslu stýrihóps um REI-málið og vildi ekki láta hafa neitt eftir sér þegar Vísir ræddi við hann í dag.

Eðlilegra að óháður hópur hefði skoðað REI málið

„Ég hefði talið eðlilegt að óháður hópur manna hefði skoðað þetta mál,“ segir Sigurður Líndal, prófessor emeritus við lagadeild Háskóla Íslands, um stýrihópinn sem skilaði af sér skýrslu um REI-málið í dag.

Menn gætu verið dregnir til ábyrgðar

Ólafur Friðrik Magnússon borgarstjóri útilokar ekki að menn verði dregnir ábyrgðar vegna REI málsins. Svört skýrsla um REI málið var kynnt á fundi borgarráðs í dag og stendur fundur borgarráðs enn yfir. Svandís Svavarsdóttir borgarfulltrúi VG tók í sama streng og borgarstjóri en hvorugt þeirra vildi nefna nein nöfn.

Tillögur REI stýrihópsins

Í skýrslu stýrihópsins sem Vísir hefur undir höndum kemur fram að nýrri stjórn OR ásamt fulltrúum eigenda verði falið að vinna að tillögum um frekari framtíðarstefnumótun fyrir Orkuveitu Reykjavíkur í anda skýrslunnar.

FL tjáir sig ekki um REI skýrslu

Halldór Kristmannsson upplýsingafulltrúi FL Group segst ekki hafa séð REI skýrsluna og vill kynna sér efni hennar áður en hann tjáir sig um hana.

REI skýrslan: Aðkoma FL Group ráðandi

Vísir hefur undir höndum skýrslu stýrihóps sem falið var að fjalla um REI málið. Borgarstjórnarflokkur Sjálfstæðisflokks fundar nú um innihald hennar en skýrslan verður lögð fyrir borgarráð á morgun.

Mest lesið


Fleiri fréttir

Sjá meira


×

Mest lesið