Má ekki opna alfræðisíðu um Harry Potter

Eiganda vefsíðu nokkurrar í Bandaríkjunum er óheimilt að opna eins konar alfræðiorðabók um hinn fjölkunnuga Harry Potter á síðunni.

Þetta var niðurstaða alríkisdómstóls í New York í gær. Komst dómstóllinn að þeirri niðurstöðu að rithöfundinum J.K. Rowling bæri allur höfundarréttur og arðbær notkun hugarfósturs síns.

Eigandi vefsíðunnar var að auki dæmdur til að greiða Rowling og útgáfufyrirtæki hennar sem nemur tæpum 600 þúsund krónum í skaðabætur fyrir ólögmæta notkun efnis úr skáldsögum hennar á síðunni.