Forseti Írans opinn fyrir viðræðum við Bandaríkin

Mahmoud Ahmadinejad, forseti Írans, segir að viðræður við Bandaríkin séu mögulegar í náinni framtíð, samkvæmt ríkisfréttastofu Írans.

Ahmadinejad tók hins vegar einnig fram að í fyrstu gætu slíkar viðræður eingöngu verið óformlegar. „Ef Bandaríkin vilja viðræður við Íran á jafnréttis grundvelli þá bjóðum við þau velkomin," lét Ahmadinejad hafa eftir sér.

Spennan milli stjórnvalda í Íran og Bandaríkjunum hefur magnast ört undanfarnar vikur í kjölfar loftskeytaæfinga Írana og hótana Bandaríkjamanna og Ísraela um árásir á Íran.