Bílstjóri bin Laden fyrir dómstóla í Guantanamo

Meintur bílstjóri og samverkamaður Osama bin Laden, Salim Hamdan að nafni, verður leiddur fyrir bandarískan herdómstól í Guantanamo fangabúðunum á Kúbu eftir helgi. Dómsmálið er það fyrsta í sögu bandarísks herdómstóls síðan í seinni heimstyrjöldinni.

Hamdan er sakaður um að hafa flutt vopn og verið náinn samstarfsmaður bin Laden. Lögfræðingar Hamdan segja hann hins vegar einfaldlega hafa verið bílstjóri og bílvirki bin Laden.

Verði Hamdan sakfelldur verður hann líklegast dæmdur í lífstaðarfangelsi. Hins vegar gæti það haft áhrif að Hamdan hefur verið mjög samvinnuþýður og gefið bandarískum stjórnvöldum ýmsar upplýsingar um ferðir bin Laden og dvalarstaði hans.