Tímamótafundur í Genf

Tímamótafundur verður um kjarnorkuáætlun Írans í Genf í dag. Bjartsýni hefur ríkt fyrir fundinn og svo virðist sem stjórnvöld í Bandríkjunum hafi slakað á þeim kröfum sem þau hafa sett fram varðandi kjarnorkuáætlunina.

Fundurinn hófst í Genf laust fyrir hádegi. Honum stýrir Havier Solana sem fer fyrir utanríkismálum í Evrópusambandinu. Fundinn sitja einnig 5 fulltrúar frá þeim ríkjum sem eiga sæti í Öryggisráði Sameinuðuþjóðanna ásamt fulltrúa frá Þýskalandi. Öryggisráðið hefur marg oft ályktað um kjarnorkuáætlun Írana. Þeir hafa auðgað úran en fullyrða að það sé ekki ætlað til vopnaframleiðslu. Fyrir fundinn í morgun sagði fulltrúi Írans að þeir ætluðu ekki að hætta að auðga úran og varð það til þess að minnka væntingar manna um árangur af fundinum.

Fulltrúi Bandaríkjamanna situr nú við samningaborðið í fyrsta sinn. Bandaríkin slitu stjórnmálasambandi við Íran í kjörfar gíslatökunnar í sendiráði þeirra í Tehran árið 1979. Nú virðist sem afstaða Bandaríkjastjónrar sé farin að mildast.

Forseti Írans hefur einnig ljáð máls á því að Bandaríkin opni ræðismannsskrifstofu í höfuðborginni. Olíuverð hefur lækkað um 13 prósent á einni viku og sérfræðingar rekja það til batnandi samskipta Bandaríkjanna og Írans.