Kirsten Dunst fær nálgunarbann

Leikkonan Kirsten Dunst hefur fengið nálgunarbann á náunga að nafni Christopher Smith. Sá hafði gerst ansi nærgöngull á heimili leikkonunnar og bankað þar upp á eins og ekkert væri sjálfsagðara þrátt fyrir að aðstoðarmaður Dunst hefði útskýrt að hún væri ekki heima. Smith þessi virðist hafa þróað með sér sérstakt dálæti á leikkonunni og var ekkert á þeim buxunum að gefast upp við að ná í skottið á henni. Hann var síðan handtekinn og færður til skýrslutöku eftir þetta atvik.

Dómari í Los Angeles úrskurðaði að Smith væri bannað að koma nálægt Dunst, aðstoðarfólki hennar eða einhverjum af þeim vinnustöðum þar sem Dunst sinnir sinni vinnu.