Tvíburarnir þreytandi

Tvíburar duga vel til að klára orkubirgðir flestra foreldra, og Angelina Jolie er engin undantekning. Vinir leikkonunnar og kærastans Brads Pitt sögðu við In Touch tímaritið að Brad væri í skýjunum yfir börnunum og „þreyttur á góðan hátt". Það ku hinsvegar vera lítið gott við þreytuna hjá Angelinu.

Vinirnir segja heimili parsins í Frakklandi í rúst, föt og leikföng liggi eins og hráviði út um allt. Það sé þó ekki draslið sem er að fara með geðheilsu Angelinu, heldur það að vera með börnin á brjósti. Þau drekki og sofi til skiptis og leikkonan nái í mesta lagi tíu mínútna svefni milli gjafa. Angelina ku vera leið yfir því að geta ekki varið meiri tíma með hinum börnunum fjórum, en enga síður hamingjusöm með viðbótina.