Hnífaleikur á Facebook veldur usla

Leikur á vinatengslvefnum Facebook hefur verið fjarlægður þar sem hann gerir notendum kleift að stinga aðra notendur yfir netið. Heitir þessi fítus „Shank" á ensku sem er slangur á götum úti yfir hnífaárás og er mynd af hnífi við fítusinn. Hefur leikurinn valdið miklum usla í Bretlandi sökum gríðarlegs fjölda morða af völdum stunguárása í höfuðborg landsins upp á síðkastið.

Hnífaleikurinn er hluti af svokölluðum „Ofurpot" (Superpoke) leik á vinatengslvefnum en þar er meðal annars hægt að faðma, brosa og löðrunga aðra notendur með því að senda slík boð yfir netið.

Var það fréttastofa The Sun sem vakti athygli á þessum fítus og viðurkenndu starfsmenn Facebook að hnífaleikurinn væri óviðeigandi og fjarlægðu möguleikann á því að stinga fólk með ofurpotinu.

Ættingjar og vinir fórnalamba hnífaárasanna hafa tekið hnífapotinu illa og telja slæmt að vefur sem er svo vinsæll meðal unglinga skuli hafa boðið upp á þennan möguleika.

Vinsælt hefur verið á meðal unglingagengja í London að ganga með hnífa og beita þeim en 21 unglingar hafa látist á þessu ári í borginni, flestir af völdum stungusára.