Last Christman mest spilaða jólalagið

Jólalagið sem allir elska, eða elska að hata, Last Christmas með Wham er vinsælasta jólalag Bretlands síðustu fimm ára. Þetta er niðurstaða rannsóknar sem Samtök breskra tónlistarrétthafa létu framkvæma á dögunum og BBC greinir frá. Rétt á hælum þess er svo ghið geysivinsæla Do They Know It´s Christmas, sem gefið var út árið 1984 af Band Aid.

Þjóðlagapönkararnir í The Pogues eru í þriðja sæti með Fairytale of New York og þar á eftir fylgja slagarar með listamönnum á borð við Slade, Mariah Carey og Bruce Springsteen.

Líklegt verður að telja að Jólahjól með Sniglabandinu vermi toppsætið yrði svipuð könnun gerð á útvarpsspilun hér á landi fyrir jólin.