Melrose Place pía situr fyrir í Playboy

Hin hálffimmtuga Lisa Rinna sem þekktust er fyrir leik sinn í Melrose Place þáttunum hefur samþykkt tilboð Hughs Hefner um að sitja klæðalítil fyrir í Playboy.

„Ég er líklegast versti lygari í heimi. Ég get bara ekki logið, þannig að ég held að það sé best að játa bara," svaraði Rinna þegar tímaritið E! spurði hana út í málið.

Lisa Rinna varð þekkt í hlutverki Taylor McBride í Melrose Place þáttunum, sem meðal annars voru sýndir á Stöð 2. Síðan þá hefur hún leikið í ýmsum kvikmyndum og sjónvarpsþáttum.