Lögregla vill að Olmert verði ákærður fyrir spillingu

Búist er við því að ísraelsk lögregla leggi það til að Ehud Olmert, forsætisráðherra Ísraels, verði ákærður fyrir spillingu. Frá þessu greina ísraelskir fjölmiðlar í dag og segja lögreglu munu tilkynna um þetta á sunnudag.

Rannsókn á ásökunum um spillingu á hendur Olmert er að ljúka og leggur lögregla það til að saksóknari ákæri forsætisráðherrann. Olmert á meðal annars hafa þegið fé frá bandarískum kaupsýslumanninni á ólöglegan hátt og að hafa nýtt sér stöðu sína sem ráðherra til að hygla vini sínum.

Olmert mun hætta sem formaður Kadima-flokksins áður en árið er úti en hann hefur sagt að hann muni gera sitt ýtrasta sem forsætisráðherra til þess að koma á friði á milli Ísraela og Palestínumanna.