Skattahækkunum á landbúnarvörum í Argentínu hafnað

Öldungardeildaþing Argentínu hefur hafnað skattahækkunum á landbúnaðarvörum sem ætlaðar eru til útflutnings. Mikil framleiðsla er í Argentínu á landbúnaðarvörum og fær gott verð á heimsmörkuðum. Þær tekjur sem ríkið hefði getað fengið við að hækka skattana átti að fara í að byggja upp landið og berjast gegn fátækt í Argentínu.

Jafnt var á atkvæðum í þinginu þangað til varaforseti landsins, Julio Cobos ákvað að greiða atkvæði gegn skattahækkunum. Höfnunin þykir hneyksli fyrir forseta landsins Cristinu Fernandez. Bændur landsins eru mjög á móti skattahækkunum og telja að þær hefðu hamlandi áhrif á landbúnað í landinu. Stjórnvöld telja hins vegar að bændur hefðu efni á því að borga meiri skatta af vörum sínum.

Þessi höfnun þykir mikill sigur fyrir bændur í landinu en hins vegar er baráttunni ekki lokið því ríkistjórnin áætlar að krefjast annarrar atkvæðagreiðslu í neðri deild þingsins sem samþykkti skattahækkanirnar fyrr í mánuðinum.