Hald lagt á dóp á Akureyri

Lögreglan á Akureyri framkvæmdi húsleit í íbúð á Akureyri í gærkvöldi þar sem hún fann fíkniefni og tæki til fíkniefnaneyslu. Í húsleitinni fundust þrjú grömm af kannabisefnum og eitt gramm af amfetamíni.

„Í íbúðinni hafði farið fram neysla fíkniefna skömmu áður en lögreglu bar að garði. Alls voru átta aðilar í íbúðinni og viðurkenndu tveir þeirra að eiga efnin. Fólkið var látið laust að loknum skýrslutökum og málið telst upplýst," segir í tilkynningu frá lögreglunni á Akureyri.

Lögreglan minnir á fíkniefnasímann 800-5005 þar sem hægt er að koma á framfæri upplýsingum um meint fíkniefnamisferli.