Justin Timberlake undirbýr brúðkaup

Ofurtöffarinn Justin Timberlake hyggst biðja sinnar heittelskuðu, leikkonunnar Jessicu Biel. Samkvæmt heimildum The Sun er hann þegar farin að leita að hentugum stað fyrir brúðkaupið.

Parið hefur verið saman frá því í janúar í fyrra, og orðrómur um að þau hyggist fjölga mannkyninu á næstunni er orðinn hávær. Þá hefur Jessica verið í áfengisbindindi undanfarið, sem ýtir enn undir þá kenningu að hún sé með barni.

Söngvarinn er víst spenntastur fyrir því að kvænast á karabísku eyjunni Mustique. Eyjan er undurfögur, og ekki skemmir fyrir að hún er í einkaeigu þeirra sem þar eiga hús. Justin hefur verið í sviðsljósinu frá unga aldri og vill fá að gifta sig í friði fyrir slúðurpressunni. Mustique er því tilvalin, því hægt er að meina myndavélaveifandi slúðurskríbentum aðgang.