McCain reynir að gera lítið úr Obama

John McCain forsetaframbjóðandi Repúblikanaflokksins í Bandaríkjunum reynir nú allt hvað af tekur að gera lítið úr keppinaut sínum, Barack Obama.

Í nýjustu sjónvarpsauglýsingu McCains er Barack Obama líkt við fræg amerísk stirni sem eru kunnust fyrir að verða sér til skammar fyrir einkalíf sitt.

Obama hefur ekki tekið þessu áberandi illa - en heldur ekki vel. Hann segir þessar auglýsingar sýna að McCain hafi ekkert bitastætt að segja við kjósendur og þurfi að breiða yfir þau mistök sem Republikanaflokkurinn hefur gert á liðnum árum:

Í auglýsingunni segir McCain einnig að öldungadeildarþingmaðurinn sé andvígur borun eftir olíu undan ströndum landsins og að hann muni hækka skatta verði hann kjörinn forseti.

Í nýrri skoðanakönnun AP fréttastofunnar kemur fram að liðlega þrír af hverjum fjórum Bandaríkjamönnum telja land sitt á rangri leið. Bush forseti nýtur nú stuðnings 28% þjóðarinnar - og svo lítið fylgi hefur aldrei mælst áður.