Ferrell með einleik um Bush á Broadway

Bandaríski gamanleikarinn Will Ferrell vinnur nú að fyrstu uppsetningu sinni á Broadway en þar er á ferðinni einleikur sem nefnast mun Verði ykkur að góðu, Bandaríkjamenn - Síðasta nóttin með George Bush.

Ferrell hefur fyrir löngu öðlast heimsfrægð fyrir það hvernig hann hermir eftir George Bush Bandaríkjaforseta og má búast við því að Bush verði skotspónn Ferrells í umræddri sýningu.

Handritið að sýningunni skrifar Ferrell ásamt Adam McKay en þeir hafa unnið saman að myndum eins og Step Brothers og Anchorman ásamt gamanþættinum Saturday Night Life. Stefnt er að því að einleikurinn verði frumsýndur í byrjun febrúar á næsta ári.