Sarkozy: Sigur Obama boðar breytingar og bjartsýni

Hamingjuóskir eru þegar farnar að streyma frá þjóðarleiðtogum til nýkjörins Bandaríkjaforseta, Barack Obama.

Þannig færði Nicolas Sarkozy Frakklandsforseti honum hamingjuóskir frá allri frönsku þjóðinni og hrósaði honum fyrir drengilega kosningabráttu. Með því að kjósa Obama hefðu Bandaríkjamenn kosið breytingar, jákvæðni og bjartsýni. ,,Á tímum þar þegar við stöndum öll frammi fyrir miklum verkefnum vekur kjör þitt mikla von í Frakklandi, Evrópu og um gjörvallan heiminn," sagði Sarkozy.

Jose Manuel Barroso, forseti framkvæmdastjórnar ESB, sagði kjörið boða nýja tíma í samskiptum Evrópu og Banaríkjanna. Breyta þyrfti núverandi kreppu í heiminum í ný tækifæri og þörf væri á nýjum samningi fyrir nýjan heim. Sagðist hann vonast til að Bandaríkjamenn myndu undir forystu Obama vinna með Evrópu að þessum nýja samningi.